АДИСТИК: АКАДЕМИЯЛЫК ЫРДОО

Программаны аткаруу

Тапшыруучу комиссияга төмөнкүлөрдү сунушташы керек:

  • Эки классикалык ария (анын бирөөсү — орус композиторунун чыгармасы)

  • Бир романс

  • Бир элдик ыр

Коллоквиум

Вокалдык факультетке тапшыруучулар үчүн коллоквиумдун түзүмү «Аспаптык аткаруучулук» адистигине тапшыруучулардагыдай эле. Абитуриенттердин кесиптик даярдык деңгээлин аныктаган суроолордун экинчи тобу төмөнкүлөрдү камтышы керек:

  • Өз үн түрү үчүн негизги репертуарды билүү

  • Экзаменде аткарылган чыгармалар жана алардын авторлору жөнүндө баяндап берүү жөндөмү

  • Бар болгон аткаруучулук салттарды билүү, өз аткаруучулук чечмелөөсүн негиздей алуу

  • Өзүбүздүн жана чет өлкөлүк белгилүү ырчылардын чыгармачылыгын билүү

  • Өз адистиги боюнча негизги методикалык адабиятты билүү

Мындан тышкары, коллоквиумда абитуриенттин актердук жөндөмдүүлүгү, элестетүү, ассоциациялык жана образдуу ой жүгүртүү жөндөмү текшерилет.

Сольфеджио жана элементардык музыка теориясы

Тапшыруучу төмөнкүлөрдү аткарышы керек:

Класста жазуу түрүндө тапшырманы аткаруу, ага төмөнкүлөр кирет:

  • Берилген интервалдарды аныктоо жана аларды эки белгиге чейинки тоналдуулукта чечүү

  • Берилген үндөн интервалдарды (диатоникалык жана хроматикалык) куруу жана тоналдуулукта аныктоо

  • Аккорддорду куруу (трезвучия, анын ичинде чоңойтулган жана кичирейтилген, d7 айлануулар жана чечилиш менен)

  • Бир үндүү мелодияны транспонирлөө

  • Кичине музыкалык үзүндүнүн тоналдуулугун аныктоо

Жазуу ишин аткаруу убактысы – 1 саат 30 мүнөт.

  • Гаммаларды (мажор, үч түрдүү минор), тоналдуулуктагы жана берилген үндөн интервалдарды, трезвучия жана алардын айланууларын ырдоо

  • Интервалдарды жана аккорддорду угуу менен аныктоо, куруу жана ырдоо

  • 3 ачкыч белгисине чейинки тоналдуулукта, ритмикалык жактан жеңил диатоникалык мелодияны нотадан ырдоо

  • Ыр же романсты талдоо (тоналдуулук, өлчөм, ритмдик өзгөчөлүктөр, альтерация, мелизмдер, ноталык тексттеги музыкалык терминдер жана аткаруу белгилерин аныктоо)

Музыкалык-теориялык дисциплиналар боюнча кабыл алуу талаптары

Сольфеджио (оозеки):

  • 1ден 5 ачкычка чейинки тоналдуулуктагы гаммалар: мажордун эки түрү жана минордун үч түрү, бардык түрдөгү трезвучиялар (айлануулар жана чечилиштер), ошондой эле 6 аккордго чейинки гармониялык айлампалар

  • Бир үндүү мелодияны нотадан окуп ырдоо (мажор же минор, хроматикалык/альтерирленген баскычтар, мүмкүн болгон өткөөлдөр жана бир тууган тоналдуулукка модуляция, жөнөкөй өлчөмдөрдө, ритмикалык татаалдыктар менен)

Гармония (оозеки):

  • Фортепианодо тапшырмаларды аткаруу: тууган тоналдуулукка модуляцияны ойноо (период формасында; баштапкы гармониялык айланма берилет)

  • Тоналдык жана модуляциялык секвенцияларды ойноо (2–4 аккорд)

  • Ар кандай стилдеги чыгармалардан нотадан окуп гармониялык анализ жүргүзүү. Гармониялык тилдин татаалдыгы төмөнкүлөрдөн ашпашы керек: Л. Бетховен — сонаталар; П.И. Чайковский — «Жыл мезгилдери»; М.И. Глинка, П.И. Чайковский, С.В. Рахманинов

  • Жогорудагы тапшырмаларга байланыштуу гармония курсу боюнча суроолорго жооп берүү

Музыка теориясы (жазуу жана оозеки):

  • Берилген интервалдарды аныктоо жана аларды эки белгиге чейинки тоналдуулукта чечүү

  • Берилген үндөн интервалдарды (диатоникалык жана хроматикалык) куруу жана тоналдуулукта аныктоо

  • Аккорддорду куруу (трезвучия, анын ичинде чоңойтулган жана кичирейтилген, D7 айлануулар жана чечилиш менен)

  • Бир үндүү мелодияны транспонирлөө

  • Кичине музыкалык үзүндүнүн тоналдуулугун аныктоо

 

СОЛЬНОЕ ЫРДОО КАФЕДРАСЫ

  • С. Ж. Исин — кафедра башчысы
  • С. Ч. Чоткараева — доцент, КРнын эл артисти
  • В.С. Анохина — КРнын эл артисти, доценттин милдетин аткаруучу
  • Т. К. Жакшылыков — КРнын эл артисти, доцент
  • Э.К. Асанкулова — КРнын эл артисти, доценттин милдетин аткаруучу
  • З. А. Сарыгулова — факультет деканы
  • У. Ж. Иманалиев — ага окутуучу
  • Н. А. Алишерова — доцент
  • К. С. Сартбаева — профессор, СССРдин эл артисти
  • Н. А. Яхонтова — алдыңкы концертмейстер
  • Н. Г. Войтенко — алдыңкы концертмейстер
  • М. Т. Корпотаева — концертмейстер
  • Т.А. Кабанбаева — алдыңкы концертмейстер
  • К. Ш. Шершеналиева — концертмейстер
  • А. Кудайбергенова — концертмейстер

Сольное ырдоо кафедрасынын түзүлүшүндө консерваториянын белгилүү аткаруучуларынын ысымдары турат: С.К. Киизбаева, Б.А. Минжилкиев, В.И Муковников, К.С. Сартпаева, Э.Т. Нурманбетова, Л.А. Георгиева, Т.С. Сейталиев. Алгачкы кафедра башчысы — КРнын эл артисти, профессор Темирбеков М.Б. Ар түрдүү жылдарда кафедраны Алишерова Н, Жакшылыков Т, Сарыгулова З жетектеген. Азыркы учурда кафедраны консерваториянын бүтүрүүчүсү Исин С.Ж. жетектейт.

27 жыл ичинде кафедра жаңы кадрлар менен толукталды, жаш мугалимдер тажрыйбалуу насаатчылардан кесиптик чеберчиликтин өзгөчөлүктөрүн өздөштүрүп, кафедранын милдеттерин ийгиликтүү чечүүгө керектүү билим алышууда.

Бардык окутуучулар кесипкөйлүк менен сабак беришет, педагогикалык чеберчилигин дайыма жогорулатышат, үзгүлтүксүз квалификациясын жогорулатышат. Кафедранын жамааты топтолгон тажрыйбага таянып, консерваториянын нормалары жана салттары боюнча илимий, окутуучулук жана тарбиялык иштерди жүргүзөт.

Кафедранын бүтүрүүчүлөрү бардык маданий чөйрөлөрдө, музыкалык мекемелерде, окуу жайларда, концерттик уюмдарда, радио жана теледе, филармонияларда жана театрларда ийгиликтүү иштешет. Студенттер атайын даярдыктан өтүшөт, индивидуалдык сабактар аларга өз алдынча иштөө үчүн керектүү кесиптик билим жана көндүмдөрдү берет.

Консерваторияда окуунун аркасында биздин студенттер аткаруучулук жана окутуучулук ишмердикте өз чеберчилигин, көркөм образды ачып берүүнү, башталгыч музыканттарды үйрөтүүнү, эстетикалык кооздукту, музыка жана искусствого болгон сүйүүнү тарбиялай алышат. Кафедра төмөнкү бүтүрүүчүлөрү менен сыймыктанат: Мавлянова З – КРнын эл артисти, Торобеков Ч – КРнын эмгек сиңирген артисти, Ыбыкеев Б – КРнын эмгек сиңирген артисти, Раимбекова Ж – КРнын эмгек сиңирген артисти, Ысманов Ж – КРнын эмгек сиңирген артисти, Найманбаев Т – КРнын эмгек сиңирген артисти, Самарбекова Э – КРнын эмгек сиңирген артисти, Бекбаева А – КРнын эмгек сиңирген артисти, Саралаев А – КРнын эмгек сиңирген артисти, ошондой эле театрдын алдыңкы солисттери — Раимбекова З, Бейшеев Т, Ким Г, Асанов Н, Алмабеков Б, Бокоева Б жана башкалар.